Zo'n dikke twintig joar eleene, goddomme wat wur ik toch al old, ging mien twee oldere breurs en ik mit va en moe elke zomer op verkaasie. Achter in de olde Alfa Romeo epropt mit zien dree'en, mit een gangegie van krap an 100 k/m richting Duutslaand, Oostenriek of Denemark'n.

Mien breurs waar'n al drok an t puberen en ik zat er as klein brummeltien tussenin. Kenteekens veurleez'n en eploagd wurdn deur mien oldste breur was ik bi-j de grens al flauw va. Toen ik verveeln'd begon te worden was mien middelste breur Andre mi-j alderjekelse zat. De enige oplossing die i-j wus was mi-j de koptelefoon van zien Walkman op te zetten. Ook meer uut de gein dink ik, want ut was vast gien gezichte. En wat ik toen heurde jongens, hef mi-j veur de rest van 't leav'n veranderd! Stark Wark van Normaal, op casettebaantie!

Ik had toen nog weinig besef van muziek, maar wat Deurdonderen mit mi-j deed zal ik nooit vergeet'n. Ik dinke dat t kleine jochie d'r kippenvel van kreeg. Det baantie ging uut de Walkman, in de radio van de Alfa en tut an Oostenriek mus iederiene in die old bak Normaal luster'n. Mien moe vond het verschrikkelijk, veural juust mien favoriet Deurdonderen.

Ik zag veur de tweede keer het locht

Toen ik een joar of tiene was ging het kats de verkeerde kaante mit mi-j op. Ozzy Osbourne, Guns 'n Roses, Metallica, etc. werden toen mien favoriet. Achteraf doodzunde, ondanks dat t ook goeie muziek is. Doodzunde omdat ik noar meer concerten van Normaal ekund hadde. Rond mien achtiende zag ik veur de tweede keer het locht. Normaal zol in mien woonplaats Staphorst koom optreden mit alle commotie vandien. Deur alle reuring toch mit mien kameroadn mit egoane, meer uut neesgierigheid dan um de muziek. Toen ze openden mit Kapitein Hoken vuulde ik mi-n net weer det kleine jochie det richting Oostenriek gung mit de familie.

Het hek was van de dam en sindsdien bin ik weer groot liefhebber van Normaal en alles wat d'r bi-j heurt. Meerdere keren per joar goa ik dus oek zeker noar optredens en dagelijks he'k de nummers van Normaal in de auto an stoan. Niet op casettebaantie, maar Stark Wark op mp3. Tied'n veraandert, hokers blieft veur altied. Mien traditie is dan oek standaar Stark Wark van veur tot achter'n luustern veurdat ik noar de Veldtocht goa.

Gien stark verhaal, maar zomaar een vertelligie van een kleine snotneus achter in een olde Alfa Romeo :)

Categories:: Muziek Normaal Dialect Keuze van de redactie

Meer verhalen

Video

Jan van Riemsdijk; liedjeszanger en dichter

02 november 2015
Ton van de Vosse
Video

Chocolade paaseieren

13 maart 2015
Annemieke Hulshof
Galerij

Steven was schaapherder

06 juli 2014
Maarten Matser
Galerij

De Grolse wanten

12 mei 2014
T.ten Dolle ten Pas
Video

De Zeebeer

26 mei 2015
Bakker Rien
Video

Doesburgse mosterdsoep

20 november 2014
Albert

De sprookjeswereld van de krozenboom

25 augustus 2015
Paul Hoftijzer
Audio

De vloek van de kolk

22 september 2014
Ger Hofstee

De kool en de geit

18 augustus 2014
Dini van der Velde

Niets zeggen dan hebben we meer!

11 januari 2016
Andres mol
Video

De kluizenaar en de duvel

28 april 2015
Eric Borrias

Een  Botter vol verhalen….

26 januari 2016
Rob Spierenburg

Koninginnedag in Arnhem

03 februari 2015
Henk Hermeling

Luiertaart

17 augustus 2015
Thea Slats

Pakjes rondbrengen met paard en wagen

02 februari 2015
Mevr. van der Zeeland
Video

Blauwe Gerrit

23 mei 2014
Sylvia van Hunnik

Kraomschudderswegge met gedicht

05 juni 2014
Marijke Jansen

Gevulde koeken

22 september 2014
Hans van den Hoorn

Meisjes uit Hoenderloo

18 juni 2014
An Sambeek