“Pas op dat i-j neet te dichte bi-j de kolke komt want dan zut de bóllekaerl ow! En dan begunt e te brullen en trök e ow naor onder’n”. Dat zei mien opa vrogger at wi-j zeiden da’w naor ’t storkslat gingen, de weide met de zwarte kolke. Dat was zo’n mooi pleksken, dat zwatte stille water met wat riesholt d’rumhen zoas elzen en berken. ’n Betjen misterieus was ’t daor ok wal. Zwemmen konne wi-j ton nog neet maor wi-j zollen jao heel good oppassen. Wi-j hadden toch ok ogen in ‘t heufd? ’s Winters ginge wi-j daorhen um te schaatsen, at ’t ies ’t kon lien. Maor deur wat opa elke kere zei, vonne wi-j ’t daor ok wal ‘n betjen groezelig. Den bóllekaerl, dat mos jao wal ’n heel naren kolkgeest waen. Wi-j kekken daorumme toch wal merakels good uut. En ’t is ok altied good egaone.

Ze wisten ow vrogger wal good bange te maken. De leu wazzen drok en konden neet den helen dag achter de blagen anlopen. De schrik zat d’r good in thuus want ’t was al ’ns gebeurd dat mien jongere zusken zowat met eur heufd onder water kwam in de putte van de weide naost de boerderi-je. Ze had zich te wied veurovver ebògen. Mien oma kon eur nog net op tied d’r weer uuttrekken. Ok in de putte zat ’n bóllekaerl, zo wodden verteld.

Zelf heb ik de bóllekaerl weer van stal ehaald ton de kinder van mien zuster hier kwamen logeren. D’r lig hier veur deure ne viever en i’j wet jao neet of ze altied wal uutkiekt en ze könt ok inens vot waen. Ik zagge wal dat ze flink onder d’n indruk waren van wat ik ze vertellen. Ik hadde wal ’n betjen met ze te doone. ’t Is neet niks um jonge kinder zo de stoepen op ’t lief te jagen. Maor de angst dat d’r wat kon gebeuren was toch starker. En ik dachte, ik legge ze’t later wal uut, at ze groot bunt. Misschien he’k dan as excuus: ’t heurt bi’j ‘t deurgevven van ’t arfgood en da’s belangriek in dizzen tied. Gelukkig könt ze d’r now wal umme lachen. ’t Verhaal is hun ok good bi-j ebleven zo marken ik laatst ton dat inens ter sprake kwam. Zelf hebt ze noo nog gin kinder, maor ’t zal mi’j ‘ns beni’jen of ze later zelf ok de bóllekearl weer töt laeven brengt at dat zo uutkump.

Gerelateerde verhalen

De Boelekearl De Boelekearl

Tag / Lijst: Streek-en volksverhalen, Volksgeloof, Dialect, Barlo, Keuze van de redactie

Dit verhaal met uw ervaring aanvullen? Klik hieronder!

aanvullend verhaal plaatsen

Meer verhalen

Video

Nijmeegse Vierdaagse

09 mei 2014
Marc Wingens

Advocaatje met een sigaretje

24 november 2015
Monique Stalpers

Fiedeltjesvleis van mijn oma

08 december 2015
Paul Hoftijzer
Audio

De kruisheer van de Nevelhorst

06 maart 2015
Gery Groot Zwaaftink
Galerij

Herinneringen aan kerst

23 december 2014
Marian v't Hullenaar-Seegers

Luilakmorgen

19 mei 2015
Nederlands Bakkerijmuseum Hattem
Video

Hanenkraai wedstrijd

30 oktober 2015
Dinant Rohaan
Galerij

Buurtgebruiken rondom geboorte

11 juli 2014
Willi Wilbrink
AudioVideo

Oud en Nieuw in de buurt

11 juli 2014
Willi Wilbrink

Het maken van een “halster”

27 oktober 2015
Stichting Boerengoed Achterhoek

Zuurkool “verrot lekker”

14 oktober 2015
Ina Brethouwer
Video

Mei-avond

28 april 2015
Mieke Veken
Video

Popverbranden

10 februari 2015
Wim de Boer
Galerij

Reveille en serenade

16 juni 2014
Truus Peters

Aanzegger, aanspreker, begrafenisondernemer...

09 februari 2015
Willi Wilbrink-Hensbergen